26. apríl – 24. maí
Markmið námskeiðsins er að fræða um einkenni einhverfu og hvernig einkenni geta haft áhrif á daglegt líf einstaklings. Námskeiðið er í umsjón starfsmanna Janusar endurhæfingar.
- Þriðjudaga kl. 14.00 – 16.00 (3. hæð – Tölvurými)
Námskeiðið „ Rýnt í rófið“ er ætlað þátttakendum sem eru með greinda einhverfurófsröskun eða að grunur er um slíkt.
Farið verður yfir helstu einkenni einhverfu, eins og félagslegt samspil, mál og tjáningu, og sérkennilega og/eða áráttukennda hegðun. Einnig verður farið þætti sem tengjast óhefðbundnum taugaþroska og sem hefur áhrif á skynúrvinnslu, framkvæmdarfærni og fleira. Einngi verður sýnd kvikmynd og/eða brot úr þáttaröðum með einhverfum sögupersónum.
Samhliða fræðslu er þátttakendum frjálst að tjá sig og deila eigin reynslu og áhugamálum. Þátttakendur geta með því að deila og hlusta á aðra orðið stuðningur fyrir hvern annan.
Námskeiðið er lokaður hópur og verður ekki hægt að skrá sig eftir að námskeið hefst. Skráning fer fram í samráði við tengilið og inn á Janus Manager. Leiðbeinendur verða Elísabet Þórðardóttir og Lena Rut Olsen.
