Árangur Janusar endurhæfingar

2020

Mjög góður árangur var árið 2020. Hvorki meira né minna en 57,4% þátttakenda sem útskrifuðust á árinu fóru í vinnu, nám eða virka atvinnuleit.

Meirihluti einstaklinga sem sóttu þjónustu á árinu var ungt fólk 30 ára og yngri (72%).  Meðalaldur var 27,8 ár (SF 7.4), miðgildi 26 ár (dreifing 18.0–60.0). 99% voru með að minnsta kosti eina geðræna ICD-10 greiningu og flestir með þung geðræn vandamál.

Samtals voru 218 einstaklingar í starfsendurhæfingu árið 2020. Konur voru í meirihluta eða 60%. Virkir einstaklingar í endurhæfingunni voru að meðaltali 127 hverju sinni. 

9 einstaklingar komu aðeins í mati á möguleikum til starfsendurhæfingar og eru því ekki teknir með í útreikningunum.

  • 52% höfðu notað vímuefni áður en þeir byrjuðu í starfsendurhæfingunni.
  • 33.5% voru með börn á framfærslu.
  • 76% voru einhleypir.
  • 21.3 mánuðir voru að meðaltali liðnir frá vinnu í upphafi endurhæfingarinnar hjá þeim einstaklingum sem höfðu atvinnusögu.
  • 115 þátttakendur útskrifuðust á árinu og fóru 57,4% þeirra í atvinnu, nám eða virka atvinnuleit

2019

Góður árangur var árið 2019 en 47% þátttakenda sem útskrifuðust á árinu fóru í vinnu, nám eða virka atvinnuleit.
Meirihluti einstaklinga sem sóttu þjónustu á árinu var ungt fólk 30 ára og yngri (72.6%).  Meðalaldur var 28 ár (SF 7.3), miðgildi 26 ár (dreifing 18.0–60.0). 98% voru með að minnsta kosti eina geðræna ICD-10 greiningu og flestir með þung geðræn vandamál.

Samtals voru 248 einstaklingar í starfsendurhæfingu árið 2019. Konur voru í meirihluta eða 59.7%. Virkir einstaklingar í endurhæfingunni voru að meðaltali 136 hverju sinni. 

17 einstaklingar komu aðeins í mati á möguleikum til starfsendurhæfingar og eru því ekki teknir með í útreikningunum.

  • 50.8% höfðu notað vímuefni áður en þeir byrjuðu í starfsendurhæfingunni.
  • 36.3% voru með börn á framfærslu.
  • 75% voru einhleypir.
  • 24.3 mánuðir voru að meðaltali liðnir frá vinnu í upphafi endurhæfingarinnar hjá þeim einstaklingum sem höfðu atvinnusögu.
  • 115 þátttakendur útskrifuðust á árinu og fóru 47% þeirra í atvinnu, nám eða virka atvinnuleit

2018

Framúrskarandi árangur var af starfsemi Janusar endurhæfingar. Hvorki meira né minna en 54,2% þátttakenda sem útskrifuðust fóru í vinnu, nám eða virka atvinnuleit.

Meirihluti þátttakenda sem sóttu þjónustu á árinu var ungt fólk (74.62% voru yngri en 31 ára), meðalaldur 27.35 ár (miðgildi 25.0, SF 7.42, dreifing 18.0–56.0) og voru flestir með þung geðræn vandamál.

Samtals voru þátttakendur 260 á tímabilinu og voru 98.85% þeirra með að minnsta kosti eina geðræna ICD-10 greiningu. Konur voru í meirihluta eða 57.69% og virkir þátttakendur í endurhæfingu voru að meðaltali 138 hverju sinni. 

8 hættu eftir verkþátt 1 og eru því ekki taldir með í þessum tölum.

  • 46.15% höfðu notað vímuefni áður en þeir byrjuðu í Janusi endurhæfingu.
  • 33.08% voru með börn á framfærslu.
  • 72.69% voru einhleypir.
  • 28.1 mánuður var að meðaltali liðinn frá vinnu í upphafi endurhæfingar, hjá þeim þátttakendum sem höfðu atvinnusögu.
  • 118 þátttakendur útskrifuðust á árinu og fóru 54.2% þeirra í atvinnu, nám eða virka atvinnuleit.

Árið var einstaklega viðburðarríkt innan Janusar endurhæfingar, jafnt í daglegri starfsemi sem og í nýsköpun, þróun og vísindum. Mikill áhugi var á starfsemi Janusar endurhæfingar og komu margir innlendir og erlendir gestir svo sem;

  • Hópur á vegum NORDFORSK
  • Stjórnendur í skipulagningu endurhæfingar frá Uppsölum Svíþjóð
  • Skólastjórnendur frá Guldeborg kommune í Danmörku
  • Stjórnendur innan Embættis landlæknis
  • Læknar frá Reykjalundi
  • Iðjuþjálfafélagið
  • Sérfræðingar;
    • Virk
    • Tryggingastofnun
    • VMST
    • Kleppi
    • Reykjavíkurborg
    • Háskóla Íslands, Háskólanum í RVK og Háskólanum Akureyri
    • Nemar frá Háskóla Íslands og Borgarholtsskóla

Janus endurhæfing birti á árinu vísindagreinina Predicting Changes in Quality of Life for Patients in Vocational Rehabilitation. Rannsóknarspurningin var hvort hægt sé að spá fyrir um niðustöður næstu mælinga mælitækisins heilsutengdra lífsgæða, með því að nýta gervigreind. Niðurstaðan er að það er hægt og að jafnaði 6 mánuðum áður en spurningarlistanum er svarað. Þessi niðurstaða er hugsanlega enn einn liðurinn í því að geta veitt einstaklingum betri endurhæfingu og opnar möguleika á því að grípa fyrr inn í. Fyrir áhugasama er hægt að nálgast greinina með því að smella hér.

Janus endurhæfing var einnig með fræðslu og/eða kynningar hérlendis og erlendis á árinu. Má þar nefna t.d. í Háskóla Íslands þar sem frætt var um ungt fólk í vanda á vinnumarkaði. Fyrrnefnd vísindagrein var kynnt á EAIS ráðstefnunni í maí 2018. Einnig var tölvukerfið og Völvan sem Janus endurhæfing notar í daglegri starfsemi kynnt erlendis, á FIAR-NET fundi sem var í London og PPSN ráðstefnu Portúgal.

Starfsfólk Janusar endurhæfingar sótti fjölbreytta fræðslu á árinu og fóru starfsmenn í þó nokkrar fræðandi heimsóknir svo sem til, Hvítabandsins, Hlutverkaseturs, Kleppsspítala, Reykjalundar og endurhæfingarteymis TR svo eitthvað sé nefnt.

Fræðsla starfsmanna er mikilvægur liður í því að viðhalda hágæða þjónustu og voru ýmsar ráðstefnur og þing sótt á árinu, eins og afmælisráðstefna VIRK, Heilbrigðisþing á vegum velferðarráðuneytis, málþing Geðhjálpar og sálfræðiþing. Starfsmenn fóru á ýmis námskeið eins og HAM námskeið fyrir fagfólk, núvitundarnámskeið, EMDR námskeið og einhverfunámskeið svo eitthvað sé nefnt.

Iðjubrautin stóð fyrir tveimur velheppnuðum mörkuðum á árinu. Allur ágóði af sölu fallegra vandaðra muna unna af þátttakendum fór í styrktarsjóð Janusar endurhæfingar. Skipulag og þróun brauta hélt áfram að þróast yfir árið og hóf atvinnuráðgjafi og hjúkrunarfræðingur í fyrsta skiptið störf. Félagslíf starfsmanna var einnig öflugt og voru skipulagðir ýmsir skemmtilegir viðburðir yfir árið.

1. janúar 2013 til 31. ágúst 2018

Ánægjulegt er að greina frá því að á rúmlega fimm árum (1. janúar 2013 til 31. ágúst 2018) hafa 676 þátttakendur útskrifast frá Janusi endurhæfingu. 51% af þeim útskrifuðust í vinnu, nám eða virka atvinnuleit. Meirihluti þátttakenda sem sóttu þjónustu á tímabilinu var ungt fólk, meðalaldur 30,8 ár (miðgildi 29, SF 8.89, dreifing 18-61) og voru flestir með þung geðræn vandamál.

  • Konur voru í meirihluta eða 60,2%. 
  • 46,3% höfðu notað vímuefni áður en þeir byrjuðu í Janusi endurhæfingu.
Scroll to Top