Námskeiðið er ætlað einstaklingum sem telja sig þurfa að bæta svefnvenjur sínar. Markmið námskeiðsins er að fræða þátttakendur um svefn og mikilvægi þess að hafa góðar svefnvenjur. Lögð er áhersla á umræður og verkefnavinnu.

Á námskeiðinu gerum við svefndagbók sem aðstoðar einstaklinginn við að kortleggja vandann.

Námskeiðið er í fjögur skipti og mikilvægt er að mæta í alla tímana þar sem fræðsla fyrri tíma er grunnur að þeim næsta.

• Í fyrsta tíma skoðum við það helsta sem við vitum um svefn, skoðum svefnklukkuna, hvað getur truflað svefninn og hver er svefnþörf okkar.
  • • Förum yfir hvernig við skráum í svefndagbókina.
• Í öðrum tíma skoðum við góðar svefnvenjur.
  • • Förum yfir svefndagbókina
• Í þriðja tímanum skoðum við hvernig Hugræn atferlismeðferð getur hjálpað okkur við að bæta svefnvenjur okkar. Við finnum lausnir og skoðum kosti og galla.
  • • Gerum verkefni
    • Förum yfir svefndagbókina.
• Í fjórða tímanum skoðum við skemmtilegar staðreyndir um svefn og ræðum bakslagsvarnir.
  • 
    
    • Förum aðeins ýtarlegar í svefndagbókina og skoðum hvort að við viljum breyta einhverju í okkar svefnvenjum.