Stuðningur í námi haustið 2022

Stuðningur í námi er stuðningur og fræðsla fyrir einstaklinga sem eru í námi. Í boði eru námskeið í Námstækni og Skólahóp. Hægt er að taka þátt í öðru hvoru eða báðum úrræðunum. Námskeiðið er ætlað einstaklingum sem óska eftir stuðning í námi og vilja bæta lífsgæði og ná jafnvægi í daglegu lífi samhliða náminu. Áhersla verður lög á þá grunnþætti sem eru mikilvægir til að byggja upp styðjandi rútinu og takast á við breytingar. Gengið er út frá námstækni og hugmyndafræði iðjuþjálfunar Moho – Model of human occupation. Í Skólahóp og Námstækni er lögð áhersla á að fræða og styðja einstaklinga á jákvæðan og uppbyggilegan hátt í rólegu umhverfi til að takast á við nám.

Á námskeiðunum verður notast við fræðsluefni og verkefni.

Námskeiðið er í umsjón Sigríðar Pétursdóttur iðjuþjálfa og markþjálfa og Elsu Sveinsdóttur félagsráðgjafa.

Til sölu eru 12 pláss í hvorn þátt úrræðisins. 

cropped-cropped-Janus-Jpeg.jpg

Skólahópur

Tilgangur Skólahópsins er að auðvelda einstaklingum í námi að ná þeim árangri sem þau óska eftir. Veita þeim stuðning við námið og skipuleggja daglegt líf sitt með tilliti til námsins.

 Lögð verður áhersla á að:

  • Veita einstaklingum sem eru í námi jákvæðann og uppbyggilegann stuðning.
  • Hefja hverja viku á jákvæðan hátt tengt náminu með því að hittast og fara yfir og skipuleggja verkefni vikunnar.
  • Öðlast jafnvægi í daglegu lífi samhliða námi.
  • Fræða um bjargráð fyrir einstaklinga í námi. Kynna hvað skólarnir bjóða upp á í því sambandi og hvert þau geta leitað sér aðstoðar innan skólanna.
  • Skapa vettvang fyrir jafningjastuðning.

Viðvera:

Námskeiðið er í 17 vikur, frá 15. ágúst til 16. desember. Kennt er á mánudögum frá kl 8:30-9:30 í gegnum fjarfundarbúnað. 

 

 


 

 

Námstækni

Námstækni er námskeið fyrir einstaklinga sem annað hvort eru að stefna í nám eða eru í námi.

Lögð verður áhersla á:

  • Tímastjórnun: mikilvægi tímastjórnunar, forgangsröðunar, markmiðasetningar og skipulags í námi. Fjallað verður um frestun og verkfæri sem hægt er að nýta sér til skipulags. Einnig verður farið yfir hvar maður nálgast upplýsingar um námið sitt s.s innri netvefir, kennsluskrár, bókalistar, stundaskrár ofl.
  • Staðnám og fjarnám: fjallað verður um ólíkar kröfur til nemenda eftir því hvort þeir eru í staðnámi eða fjarnámi.
  • Heilbrigður lífstíll: mikilvægi þess að huga að grunnþáttum heilbrigðis þegar maður er í námi s.s hreyfingu, næringu og svefn
  • Prófkvíði og námsörðugleikar: fjallað verður um hvað veldur prófkvíða og leiðir til þess að draga úr honum. Farið yfir námsörðugleika og hvaða verkfæri eru í boði til aðstoðar (t.d lengri próftími og hljóðbækur)
  • Vinnuumhverfi: hverju þurfum við að huga að til að skapa góða lærdómsaðstöðu s.s skrifborð og stóll, birta og hitastig.
  • Námstækni: farið verður yfir námsaðferðir sem nemendur nýta sér til að læra t.d glósur, lestur, minnisaðferðir ofl. Einnig þær kröfur sem hópavinna gerir til nemenda og fá þátttakendur tækifæri til að svara spurningakönnun til að kanna hvar þeirra styrkleikar og veikleikar liggja í námi.
  • Framfærsla í námi: farið verður yfir hvaða leiðir nemendum standa til boða til að framfleyta sér á meðan á námi stendur.

Viðvera:

Námskeiðið er í 5 vikur frá 15. águst -14. september. Kennt er á miðvikudögum frá kl 9:00-11:00 á Skúlagötu 19. 4.hæð.

 

Skilyrði

– Vera að huga að, eða vera í námi eftir grunnskólanám, s.s. framhaldsskóla- eða háskólanámi.

– Tilbúnir að vera í stuðningshóp í fjarfræðslu í Skólahóp.

– Eiga tölvu eða síma til að taka þátt í Skólahóp á rafrænu formi.

Verð

– Námstækni: 51.000 kr fyrir einstakling.

– Skólahópur: 51.000 kr fyrir einstakling.

Ef bæði námskeiðin eru keypt fyrir sama einstakling: 91.800 kr.

Innifalið

– Námsefni

– Kaffi og te fyrir þátttakendur í Námstækni

Umsóknarferli

– Tölvupóstur er sendur með ósk um kaup á námskeiði á janus@janus.is. Svar er sent innan 2 daga um hvort laust pláss er á námskeiðið.

 

Scroll to Top