Námskeið og viðburðir

: Hits: 10727

Námskeið og viðburðir í Janusi endurhæfingu, jan. - apríl 2020

Námskeið eru birt í tímaröð, eftir fyrsta degi námskeiðs.

Skoða dagskrá Janusar endurhæfingar, jan. - feb. 2020 --- smella hér

Skoða dagskrá Janusar endurhæfingar, feb.- apríl 2020 (lota 2) --- smella hér

Tálgun

13.01.2020-21.02.2020

Fyrir hverja: Alla þátttakendur Janusar endurhæfingar

Mánudaginn 13. jan. hefst námskeiðið Tálgun. Á námskeiðinu verður farið yfir grunn í tálgun og öruggar aðferðir til tálgunar og meðhöndlunar viðar kenndar auk þess verður kennt að kljúfa og frágangur verkefna sem eykur líkur á langlífi gripa. Auk þess verður kennd brýning og viðhald hnífsins. Markmiðið er að búa til fallega og nytsama hluti, láta sköpunargleðina njóta sín og efla sjálfstraustið. Markmið námskeiðs er einnig að auka verkfærni og efla sjálfstraust með fjölbreyttri iðju.

Mánudaga-föstudaga kl. 09:00-11:30 (2. hæð)

Námskeiðið er opinn hópur og geta þátttakendur skráð sig hvenær sem er á tímabilinu. Námskeiðið verður alla daga vikunnar og gert er ráð fyrir að þátttakandi velji að sitja námskeiðið að minnsta kosti 3 daga í viku, ef ósk er um annað skal hafa samband við tengilið. Skráning fer fram í samvinnu við tengiliði og inn á Janus Manager. Leiðbeinendur verða Halldór Bjarki Ipsen og Þórdís Halla Sigmarsdóttir.

Saumar

13.01.2020-21.02.2020

Fyrir hverja: Alla þátttakendur Janusar endurhæfingar

Mánudaginn 13. jan. hefst námskeiðið Saumar. Markmið námskeiðsins er fyrst og fremst að leyfa sköpunargleðinni að njóta sín, ásamt því að öðlast meiri færni í handverki og efla sjálfstraust í vöruhönnun.

Mánudaga-föstudaga kl. 09:00-11:30 (2. hæð)

Í vinnustofu á saumasvæði verða saumaðir púðar og heklað úr grófu efni. Púðarnir eru mjög fjölbreytt verkefni sem býður upp á ýmsa möguleika í hönnun og útfærslu. Alls konar efniviður er í boði, einnig má notast við alls konar pappírssnið sem er til á svæðinu. Að hekla úr grófu er auðveld leið til að læra að hekla og ná betri tökum á tækninni. Efnið sem er notað eru endurnýtt sængurver, gardínur og fleira. Vörurnar sem eru frameiddar verða seldar á sumarmarkaði/jólamarkaði Janusar endurhæfingar. Kennt verður að hekla mottur, pottaleppa, körfur og fleira.

Eftirfarandi má sjá grófa dagskrá:

Saumaðir púðar.
Heklað úr grófu efni.

Í síðustu viku námskeiðsins eru verkefnin valfrjáls og heimilt er að vinna að eigin verkefnum og hugmyndum (frá 17. feb. til 21. feb.).

Námskeiðið er opinn hópur og geta þátttakendur skráð sig hvenær sem er á tímabilinu. Námskeiðið verður alla daga vikunnar og gert er ráð fyrir að þátttakandi velji að sitja námskeiðið að minnsta kosti 3 daga í viku, ef ósk er um annað skal hafa samband við tengilið. Skráning fer fram í samvinnu við tengiliði og inn á Janus Manager. Leiðbeinendur verða Kristín Stefánsdóttir og Sigríður Ósk Hannesdóttir.

Núvitund

13.01.2020-05.03.2020

Fyrir hverja: Alla þátttakendur Janusar endurhæfingar.

Mánudaginn 13. jan hefst námskeiðið Núvitund í Janusi endurhæfingu. Námskeiðið nær yfir átta vikna tímabil. Á mánud. frá kl. 12:30-15:00 verður fræðsla um núvitund og æfingar vikunnar kynntar, tíminn endar á núvitundaræfingum. Þar að auki verða núvitundaræfingar á þriðjud. og fimmtud. frá kl. 11:30 til kl. 12:00. Markmið námskeiðsins er að þjálfa færni í núvitund. Læra leiðir til þess að ná betri stjórn á hugsunum og fá innsýn í líðan sína.

Mánudaga kl. 12:30-15:00 (4. hæð)
Þriðjudaga og fimmtudaga kl. 11:30-12:00 - núvitundaræfingar (4. hæð)

Eftirfarandi atriði verður farið yfir:

Vika 1: Sjálfstýring – hvaða áhrif hefur hún á líf okkar. Öndunar og líkamshugleiðsla.
Vika 2: Læra að greina á milli skynjunar og hugsunar. Líkamsskönnunar hugleiðsla.
Vika 3: Takmörk okkar og viðbrögð við þeim. Samþætting hugar og líkama. Núvitundar hreyfing.
Vika 4: Læra að leyfa hugsunum að koma og fara. Sjá erfiðleika frá nýju sjónarhorni. Hljóð og hugsanir.
Vika 5: Takast á við erfiðleika með opnum huga og koma þannig í veg fyrir að þeir verði umfangsmeiri. Könnun erfiðleika.
Vika 6: Samkennd gagnvart okkur sjálfum og umhverfinu. Vinsemdar hugleiðsla.
Vika 7: Vani og lífsmynstur. Gera hluti sem veita þér gleði. Takast á við kvíða, streitu og áhyggjur með góðvild.
Vika 8: Núvitund - hluti af þínu daglega lífi

Námskeiðið verður lokaður hópur á mánudögum og verður ekki hægt að skrá sig eftir að námskeið hefst. Skráning fer fram í samráði við tengilið og inn á Janus Manager. Umsjónarmenn námskeiðs eru Sigríður Pétursdóttir og Axel Bragi Andrésson.

Hreyfing sem lífsstíll

14.01.2020-20.02.2020

Fyrir hverja: Alla þátttakendur Janusar endurhæfingar

Þriðjudaginn 14. jan. hefst námskeiðið Hreyfing sem lífsstíll. Boðið er upp á hópþjálfun undir handleiðslu sjúkraþjálfara. Unnið verður með þol, styrk og líkamsstöðu eftir getu hvers og eins.

Farið yfir þau undirstöðuatriði sem halda líkamsstarfseminni í jafnvægi og leggja áherslu á að þátttakendur læri að hreyfa sig í takt við það sem líkaminn kallar á. Aðstoðum hvern og einn við að kortleggja sína veikleika og förum yfir hvernig árangurinn stjórnast af hugarfarinu sem við höfum til hreyfingar og viðhorfs okkar í eigin garð.

Grunnhópur: Vinnum eingöngu með eigin líkamsþyngd og léttar teygjur. Hver og einn gerir æfingarnar á sínum hraða með það að markmiði að auka líkamsvitun og bæta þol og styrk.

Framhaldshópur: Líkamsrækt í 60 mín. Unnið með styrkjandi og liðkandi æfingar með það markmið að bæta styrk, þol og hreyfigetu. Markmiðið er að efla styrk og þol, kynnast líkama sínum betur, ögra sér og bæta sjálfstraust.

Grunnhópur: þriðju- og fimmtudaga kl. 12:30-13:30 (4. hæð)
Framhaldshópur: þriðju- og fimmtudaga kl. 10:00-11:00 (World Class, Laugum)

Markmið námskeiðsins er að efla líkamlega og andlega heilsu með því að stunda reglulega líkamsrækt. Einnig að vekja áhuga á því að gera reglulega hreyfingu að hluta af sínum lífsstíl, auk þess að öðlast verkfæri til að yfirstíga þær hindranir sem geta verið í veginum þegar við erum að byrja að gera líkamsrækt að reglulegum þætti í daglegu lífi okkar. Námskeiðið verður tvisvar í viku. Mikilvægt er að þátttakendur séu klæddir til þess að geta stundað æfingar.

Námskeiðið er opinn hópur og geta þátttakendur skráð sig hvenær sem er á tímabilinu. Skráning fer fram í samráði við tengilið og inn á Janus Manager. Leiðbeinendur verða Agnes Ósk Snorradóttir og Kara Elvarsdóttir, sjúkraþjálfarar.

Macrame námskeið

15.01.2020-19.02.2020

Fyrir hverja: Alla þátttakendur Janusar endurhæfingar

Miðvikudaginn 15. jan. hefst Macrame námskeið. Markmið námskeiðsins er fyrst og fremst að leyfa sköpunargleðinni að njóta sín, ásamt því að öðlast meiri færni í handverki og efla sjálfstraust í vöruhönnun. Macrame er mjög skapandi og gefandi verkefni. Tilvalið fyrir þá sem bæði vilja prófa eitthvað nýtt sem og bæta við sig meiri þekkingu í handverki. Hentar líka þeim sem hafa enga reynslu.

Miðvikudaga kl. 9:00-11:00 (2. hæð)

Eftirfarandi má sjá grófa dagskrá:

15. jan: Æfingaverkefni
22. jan: Lyklakippur / lítil verkefni
29. jan, 5. feb og 12. feb: Blómahengi / vegghengi
19. feb: Valverkefni sem þú getur tekið með heim.

Námskeiðið er opinn hópur og geta þátttakendur skráð sig hvenær sem er á tímabilinu. Skráning fer fram í samráði við tengilið og inn á Janus Manager. Umsjónarmenn eru Rosien, Magnea og Linda Ólafsdóttir.

Tómstundir og áhugamál

15.01.2020-19.02.2020

Fyrir hverja: Alla þátttakendur Janusar endurhæfingar á Heilsubraut

Miðvikudaginn 15. jan. hefst námskeiðið Tómstundir og áhugamál sem verður haldið í Janusi endurhæfingu. Markmið námskeiðsins er að vekja áhuga og auka virkni auk þess að skemmta sér. Einnig að æfa sig að vera í kringum annað fólk og þjálfa þar með félagsfærni.

Miðvikudaga kl. 09:00-11:30 (4. hæð)

Dagskrá námskeiðsins mun fara fram bæði innan og utan húss. Spiluð verða borðspil, farið í heimsóknir t.d. á söfn eða aðra áhugaverða staði og í göngur og útileiki ef veðrið verður gott. Þátttakendur geta haft áhrif á dagskrá námskeiðsins og er alltaf vel tekið í hugmyndir frá þeim að dagskrárliðum. Námskeiðið hefur áður farið í skemmtilegar göngur og notið þess að vera saman úti, spilað spil og farið í spurningaleiki. Einnig hefur verið farið út úr húsi í keilu og Bogfimisetrið svo dæmi séu tekin.

Námskeiðið er opinn hópur og geta þátttakendur skráð sig hvenær sem er á tímabilinu í samráði við umsjónarmenn námskeiðs. Námskeiðið telur til mætinga og ef þátttakandi mætir ekki í þrjú skipti án viðunandi útskýringa verður hann skráður úr námskeiðinu í samráði við tengilið viðkomandi.

Skráning fer fram í samvinnu við tengiliði og inn á Janus Manager. Leiðbeinendur á námskeiðinu eru Edda Rán Jónasdóttir og Elsa Sveinsdóttir.

Hlaup og ganga

15.01.2020-19.02.2020

Miðvikudaginn 15. jan. hefst námskeiðið Hlaup og ganga í Janusi endurhæfingu. Námskeiðið verður einu sinni í viku, á miðvikudögum kl. 11:30-12:00. Markmið námskeiðsins er að vekja athygli á því hversu góð áhrif það hefur á andlega og líkamlega heilsu að vera úti og hreyfa sig og hvetja þátttakendur Janusar endurhæfingar til að gera reglulega hreyfingu að hluta af sínum lífsstíl.

Miðvikudaga kl. 11:30-12:00 (3. hæð)

Hópurinn mun hittast á 3. hæð og þátttakendur ákveða hvort þeir vilja hlaupa eða ganga. Hópurinn velur sér hlaupa- og gönguleið áður en lagt er af stað, tekin er ákvörðun í hvorum hópi fyrir sig hvert skal halda.

Námskeiðið er opinn hópur og geta þátttakendur skráð sig hvenær sem er á tímabilinu. Skráning fer fram í samráði við tengilið og inn á Janus Manager. Umsjónarmenn eru Sigríður Pétursdóttir, Salóme Halldórsdóttir, Edda Rán Jónasdóttir og Elsa Sveinsdóttir.

Jóga

15.01.2020-19.02.2020

Fyrir hverja: Alla þátttakendur Janusar endurhæfingar.

Miðvikudaginn 15. jan. hefst námskeiðið Jóga. Námskeiðið byggir á Hatha jóga, gerðar verða jógateygjur og léttar styrkjandi æfingar auk öndunaræfinga, sem stuðla að ró og núvitund. Námskeiðið er fyrir þátttakendur Janusar endurhæfingar og hentar bæði byrjendum og lengra komnum.

Miðvikudaga kl. 11:30-12:30 (4. hæð)

Jóga er góð leið til að tengjast líkama, öndun og huga. Hver tími endar á endurnærandi slökun. Markmið námskeiðsins er að öðlast þekkingu og reynslu á Hatha Jóga. Leið til þess að öðlast ró og tengingu við líkama sinn, huga og öndun, með öndunaræfingum, slökun og liðkandi og styrkjandi æfingum.

Námskeiðið er opinn hópur og geta þátttakendur skráð sig hvenær sem er á tímabilinu. Skráning fer fram í samráði við tengilið og inn á Janus Manager. Umsjónarmenn eru Anna Heiða Óðinsdóttir, jógakennari og Berglind Ásgeirsdóttir iðjuþjálfi og jógakennari.

Viðhald og uppsetning á tölvum

15.01.2020-19.02.2020

Fyrir hverja: Alla þátttakendur Janusar endurhæfingar.

Miðvikudaginn 15. jan. hefst námskeiðið Viðhald og uppsetning á tölvum í Janusi endurhæfingu á 3. hæð, fyrir framan Holtasóley. Markmið námskeiðs er að fræða þátttakendur um hvernig eigi að viðhalda tölvum og atriði því tengt.

Miðvikudaga kl. 13:00-15:00 (3. hæð, tölvurými)

Námskeiðið verður lokaður hópur og því ekki hægt að skrá sig í það á miðju tímabili. Skráning fer fram í samráði við tengilið og inn á Janus Manager. Umsjónarmenn verða Benjamín Júlíusson og Steinberg Þórarinsson.

Að sækja um starf

16.01.2020-20.02.2020

Fyrir hverja: Alla þátttakendur Janusar endurhæfingar sem eru farnir að huga að atvinnuleit.

Fimmtudaginn 16. jan. hefst námskeiðið Að sækja um starf í Janusi endurhæfingu sem verður í 6 skipti. Námskeiðið er fyrir þátttakendur sem eru að íhuga að fara á vinnumarkaðinn á næstunni. Markmið námskeiðsins er að þátttakendur verði betur í stakkbúnir til að takast á við starfsumsóknarferlið sem auðveldi þeim að fá vinnu við hæfi.

Fimmtudaga kl. 9:00-11:30 (3. hæð, Holtasóley)

Í námskeiðinu verður farið yfir það sem þarf að hafa í huga við starfsumsóknir eins og:

Ferilskrágerð
- Kynnt verður fyrir þátttakendum hvernig eigi að búa til ferilskrá og hvað þarf að huga að við gerð hennar.
Kynningarbréf
- Farið verður í gegnum hvernig kynningarbréf eigi að vera gerð og hvað skiptir máli að komi fram í þeim og af hverju.
Atvinnuauglýsingar
- Kynnt verður fyrir þátttakendum hvar og hvernig eigi að leita að störfum við hæfi.
Réttindi og skyldur
- Fræðsla verður um réttindi og skyldur starfsmanna á vinnumarkaði og hvað þurfi að hafa í huga því tengt.
Launaseðlar
- Farið verður í gegnum og rýnt í launaseðla

Í námskeiðinu verður einnig farið í heimsókn á ráðningarskrifstofu, þar sem þátttakendur munu fá kynningu.

Námskeiðið verður lokaður hópur og því ekki hægt að skrá sig í það á miðju tímabili. Skráning fer fram í samráði við tengilið og inn á Janus Manager. Umsjónarmenn verða Alma Rún Vignisdóttir, hjúkrunarfræðingur og Benjamín Júlíusson atvinnuráðgjafi.

Gítarnámskeið-framhaldsnámskeið

16.01.2020-20.02.2020

Fyrir hverja: Alla þátttakendur Janusar endurhæfingar

Fimmtudaginn 16. jan. hefst Gítarnámskeið-framhaldsnámskeið í Janusi endurhæfingu kl. 13:00-14:30 á 3. hæð. Markmið námskeiðsins er að kenna þátttakendum Janusar endurhæfingar grunnatriði gítarleiks. Námskeiðið er ætlað þeim sem hafa einhverja reynslu af gítarleik eða hafa setið gítarnámskeið áður í Janusi endurhæfingu.

Fimmtudaga kl. 13:00-14:30 (3. hæð, tölvurými)

Allir þátttakendur eru velkomnir en skráning fer fram í samráði við tengilið og inn á Janus Manager. Námskeiðið verður lokaður hópur og því ekki hægt að skrá sig í það á miðju tímabili. Umsjónarmenn verða Þorsteinn Jónsson og Jón Hjalti Brynjólfsson.

Vinnustofa í myndlist

24.01.2020-21.02.2020

Fyrir hverja: Alla þátttakendur Janusar endurhæfingar.

Föstudaginn 24. jan. hefst Vinnustofa í myndlist á 4. hæð kl. 09:00-11:00. Markmið námskeiðsins er að þátttakendur vinni að verkefnum sínum og fái aukna þekkingu á myndlist og kynnist nýjum aðferðum. Ásamt því að fara út fyrir þægindarammann sinn.

Föstudaga kl. 09:00-11:00 (4. hæð)

Þátttakendur fá tækifæri til þess að vinna að sínum verkefnum í opinni vinnustofu með hvatningu og leiðsögn frá Arnari Inga. Námskeiðið er opinn hópur og geta þátttakendur skráð sig hvenær sem er á tímabilinu. Skráning fer fram í samráði við tengilið og inn á Janus Manager. Leiðbeinendur verða Arnar Ingi Gylfason og Anna Þóra Þórhallsdóttir.

Jóga Nidra

24.01.2020-21.02.2020

Fyrir hverja: Alla þátttakendur Janusar endurhæfingar

Föstudaginn 24. jan. hefst Jóga Nidra í Janusi endurhæfingu sem verður haldið í þrjú skipti kl. 12:30-13:30 á 4. hæð. Námskeiðið er fyrir þátttakendur Janusar endurhæfingar og hentar bæði byrjendum og lengra komnum. Markmið námskeiðsins er að þátttakendur öðlist færni til að slaka á og endurstilla líkama, huga og sál. Þú nærð meðal annars að kyrra hugann, öðlast betri stjórn á ýmsum hugsunum eða aðstæðum og brjóta upp neikvætt mynstur.

Föstudaga kl. 12:30-13:30 (4. hæð)

Jóga Nidra nýtur mikilla vinsæla i hinum vestræna heimi, þar sem hugleiðslan losar um streitu og spennu með áreynslulausum hætti. Jóga Nidra er hugleiðsluaðferð sem fer með þig í djúpa slökun og hvíld frá amstri dagssins. Slökuninni má líkja við djúpan svefn. Námskeiðið er fyrir þá sem hafa áhuga á að bæta líðan sína og heilsu, draga úr streitu og spennu í líkama og huga. Það getur gefið þér aukinn styrk til að takast á við streitu og góð áhrif á svefn.

Námskeiðið er opinn hópur og geta þátttakendur skráð sig hvenær sem er á tímabilinu. Skráning fer fram í samráði við tengilið og inn á Janus Manager. Námskeiðið verður í umsjón Berglindar Ásgeirsdóttur og Sólveigu Gísladóttur, jógakennara og iðjuþjálfa.

Námstækni og skólahópur

24.02.2020-30.03.2020

Fyrir hverja: Alla þátttakendur sem stunda nám

Mánudaginn 24. feb. hefst námskeiðið Námstækni og skólahópurinn fyrir þátttakendur sem stunda nám. Boðið er upp á fræðslu og þátttakendum gefið tækifæri til þess að klára ýmis verkefni og leita til annarra þátttakenda sem eru að vinna að svipuðum eða sömu verkefnum. Námskeiðið byggist á verkefnum sem þáttt. eru að vinna í hverju sinni og er dagskráin því fjölbreytt.

Mánudagar kl. 8:30-10:00 (3. hæð, Glersalir)

Námskeiðið er opinn hópur og geta þátttakendur skráð sig hvenær sem er á tímabilinu.

Skráning fer fram í samráði við tengilið og inn á Janus Manager. Námskeiðið verður í umsjón Sigríðar Pétursdóttur.

Tálgun

24.02.2020-03.04.2020

Fyrir hverja: Alla þátttakendur Janusar endurhæfingar

Mánudaginn 24. feb. hefst námskeiðið Tálgun. Á námskeiðinu verður farið yfir grunn í tálgun og öruggar aðferðir til tálgunar og meðhöndlunar viðar kenndar auk þess verður kennt að kljúfa og frágangur verkefna sem eykur líkur á langlífi gripa. Auk þess verður kennd brýning og viðhald hnífsins. Markmiðið er að búa til fallega og nytsama hluti, láta sköpunargleðina njóta sín og efla sjálfstraustið. Markmið námskeiðs er einnig að auka verkfærni og efla sjálfstraust með fjölbreyttri iðju.

Mánudaga-föstudaga kl. 09:00-11:30 (2. hæð)
Mánudaga-fimmtudaga kl. 13:00-15:50 (2. hæð)

Í boði verður að gera nytsamlega hluti sem og skrautmuni. Afrakstur vinnunnar verður seldur. Allur ágóðinn rennur í styrktarsjóð Janusar endurhæfingar sem styrkir einstaklinga í endurhæfingunni sem eru í tímabundinni fjáhagslegri neyð.

Á námskeiðinu verða ýmsir hlutir tálgaðir úr blautum viði en einnig unnið með þurran við. Þátttakendur fá leiðsögn í að ná tökum á sérstökum hnífsbrögðum með hárbeittum hnífum og tileinka sér rétta umgengni við bitverkfæri t.d. axir.

Dæmi um verkefni sem byrjað er á:

sleif,
smjörhnífur,
kökuprjónn.

Að því loknu taka við ögn flóknari verkefni svo sem:

fugl,
saltbátur,
skál,
bolli,
brauðbretti,
sumarleikföng.

Námskeiðið er opinn hópur og geta þátttakendur skráð sig hvenær sem er á tímabilinu. Námskeiðið verður alla daga vikunnar og gert er ráð fyrir að þátttakandi velji að sitja námskeiðið að minnsta kosti 3 skipti í viku, ef ósk er um annað skal hafa samband við tengilið. Skráning fer fram í samvinnu við tengiliði og inn á Janus Manager. Leiðbeinendur verða Halldór Bjarki Ipsen og Þórdís Halla Sigmarsdóttir.

Mósaík

24.02.2020-03.04.2020

Fyrir hverja: Alla þátttakendur Janusar endurhæfingar

Mánudaginn 24. feb. hefst námskeiðið Mósaík. Markmið námskeiðsins er fyrst og fremst að leyfa sköpunargleðinni að njóta sín, ásamt því að öðlast meiri færni í handverki og efla sjálfstraust í vöruhönnun. Á námskeiðinu kynnast þátttakendur helstu aðferðum og verkfærum sem nýtt eru í mósaík, leggja glerbúta á flöt og fúga á milli. Afrakstur vinnunnar verður seldur. Allur ágóðinn rennur í styrktarsjóð Janusar endurhæfingar sem styrkir einstaklinga í endurhæfingunni sem eru í tímabundinni fjáhagslegri neyð.

Mánu- , þriðju- , fimmtu- og föstudaga kl. 09:00-11:30 (2. hæð)
Mánu- , þriðju- og fimmtudaga kl. 13:00-15:50 (2. hæð)

Markmið námskeiðs er að þjálfa listrænt innsæi, ákvarðanatöku og sköpunargleði með handverki, æfa einbeitingu, seiglu, úthald og skipulögð vinnubrögð. Einnig að skapa aðstæður sem ýta undir félagsleg samskipti og jákvæða upplifun samveru. Markmiðið er einnig að þátttakendur geti beitt helstu aðferðum mósaíkvinnunnar og tekið sjálfstæðar ákvarðanir hvað varðar liti, mynstur og frágang.

Í námskeiðinu munu þátttakendur vinna fyrst tvívítt (flatt) verkefni í mósaík sem hugsað er sem kynning á verkferlum í mósaík. Að því loknu er um þrívíða hluti að velja ef áhugi er fyrir því.

Eftirfarandi má sjá grófa dagskrá:

Vika 1: kynning á verkfærum og aðferðum. Byrjað á fyrsta hlut.
Vika 2-5: vinna við listsköpun með mósaíkglerflísum og fúgun þegar límingu glerflísanna er lokið. Frágangur hlutanna eftir þörfun - málun + setja krók / filttappa undir.
Vika 6: vinna að eigin verkefnum ef vill (borga þarf grunnkostnað) eða halda áfram að vinna verkefni fyrir Janus.

Dæmi um verkefni:

platti,
kertaglas,
rammi,
ljós

Námskeiðið er opinn hópur og geta þátttakendur skráð sig hvenær sem er á tímabilinu. Námskeiðið verður alla daga vikunnar og gert er ráð fyrir að þátttakandi velji að sitja námskeiðið að minnsta kosti 2 skipti í viku, ef ósk er um annað skal hafa samband við tengilið. Skráning fer fram í samvinnu við tengiliði og inn á Janus Manager. Leiðbeinendur verða Kristín Stefánsdóttir og Sigríður Ósk Hannesdóttir.

Að ná árangri í endurhæfingu

24.02.2020-30.03.2020

Fyrir hverja: Alla þátttakendur Janusar endurhæfingar.

Mánudaginn 24. feb. hefst námskeiðið Að ná árangri í endurhæfingu á 4. hæð í Janusi endurhæfingu. Á námskeiðinu verður rætt almennt um hvað starfs- og atvinnuendurhæfing hjá Janusi endurhæfingu felur í sér. Rætt verður um það breytingarferli sem fer af stað þegar byrjað er í endurhæfingu frá sjónarhorni Iðjuþjálfa og það kynnt fyrir þátttakendum. Farið verður í mikilvægi þess að móta sér stefnu og þá þætti sem fræði Iðjuþjálfa telja mikilvægt að skoða í breytingarferlinu til að ná árangri í endurhæfingu t.d. rútínu, sjálfskoðun varðandi áhugahvöt, gildi, hlutverk, styrkleika, vanamynstur og markmiðasetningu. Kynnt verða til verkfæri sem þátttakendur geta notað til stuðnings í breytingarferlinu auk verkefnastofu þar sem þátttakendur geta fengið aðstoð við að nýta sér verkfærin.

Mánudaga kl. 9:00-11:30 (4. hæð)

Markmið námskeiðs er að styðja þátttakendur í því breytingarferli sem starfs- og atvinnuenduhæfing felur í sér. Þátttakendur verða studdir til sjálfskoðunar er varðar stefnu þeirra í endurhæfingu, sjálfskoðunar hvað varðar þá þætti sem fræði iðjuþjálfa telja forsendu og grunn að góðum árangri í starfs- og atvinnuendurhæfingu. Þátttakendur fá afhend verkfæri/verkefni og stuðning við að leysa þau, með því markmiði að auka skilning og grunn að góðum árangri í endurhæfingunni.

Námskeiðið er opinn hópur og geta þátttakendur skráð sig hvenær sem er á tímabilinu. Skráning fer fram í samráði við tengilið og inn á Janus Manager. Leiðbeinendur verða Lena Rut Olsen og Edda Rán Jónasdóttir.

Atvinnuviðtalið hefst heima

24.02.2020-16.03.2020

Fyrir hverja: Alla þátttakendur í Janusi endurhæfingu sem stefna á atvinnuleit núna eða á næstu mánuðum.

Mánudaginn 24. feb. hefst námskeiðið Atvinnuviðtalið hefst heima sem verður í haldið í Janusi endurhæfingu. Námskeiðið er ætlað þeim sem stefna í atvinnuleit núna eða á næstu mánuðum.

Mánudaga kl. 9:00-11:00 (3. hæð, Holtasóley)

Markmið námskeiðsins er að undirbúa þátttakendur Janusar endurhæfingar að fara í atvinnuviðtal, sem hluta af því ferli að sækja um starf.

Farið verður í eftirfarandi efni á námskeiðinu:

Undirbúning undir atvinnuviðtalið og viðhorf til þess að fara að vinna.
Hugsanlegar spurningar í atvinnuviðtali.
Styrk- og veikleika.
Hina ýmsu styrkleika sem geta nýst í starfi.
Starf og eigin persónu.
Þjálfa það sem viðkomandi vill ná árangri í.
Óskastarfið.
Mikilvægi góðs sjálfstrausts.

Skráning fer fram í samráði við tengilið og inn á Janus Manager. Námskeiðið verður lokaður hópur og verður ekki hægt að skrá sig eftir að námskeið hefst. Umsjónarmaður er Sigríður Anna Einarsdóttir.

Stuðningur í atvinnuleit

24.02.2020-30.03.2020

Fyrir hverja: Alla þátttakendur Janusar endurhæfingar sem eru farnir að huga að atvinnuleit.

Mánudaginn 24. feb. hefst námskeiðið stuðningur í atvinnuleit fyrir þátttakendur sem eru farnir að huga að atvinnuleit. Markmið námskeiðs er að aðstoða og undirbúa þátttakendur fyrir vinnumarkaðinn. Í námskeiðinu eru ólík verkefni unnin undir handleiðslu starfsmanna.

Mánudaga kl. 13:00-15:00 (3. hæð, Holtasóley og tölvusvæði)

Námskeiðið er opinn hópur og geta þátttakendur skráð sig hvenær sem er á tímabilinu. Skráning fer fram í samráði við tengilið og inn á Janus Manager. Leiðbeinendur verða Benjamín Júlíusson, Alma Rún Vignisdóttir og Anna Þóra Þórhallsdóttir.

Næring: Fræðast - Elda - Njóta

25.02.2020-31.03.2020

Fyrir hverja: Alla þátttakendur Janusar endurhæfingar

Þriðjudaginn 25. feb. hefst námskeiðið Næring: Fræðast--Elda--Njóta sem verður haldið í Janusi endurhæfingu. Markmið námskeiðsins er að þátttakendur kynnist manneldismarkmiðum og grunnhugtökum í næringarfræði. Auki vitund og vitneskju sína um hollustu matvæla og hvernig er hægt að borða hollt og hagkvæmt.

Þriðjudaga kl. 9:00-11:30 (4. hæð)

Námskeiðið skiptist í fyrirlestra, verklega tíma og heimsókn í fyrirtæki.

Fjallað verður meðal annars um eftirfarandi hluti:

Hugtök í næringarfræði.
Manneldismarkmið.
Lesa á umbúðir.
Njóta matarins.
Nýta matinn vel og vinna úr afgöngum.
Hvað drekkum við?
Gerð vikumatseðla.
Hagkvæmni í eldamennsku.

Námskeiðið er opinn hópur og geta þátttakendur skráð sig hvenær sem er á tímabilinu. Skráning fer fram í samráði við tengilið og inn á Janus Manager. Námskeiðið verður í umsjón Hrefnu Þórðardóttur, Sigríðar Pétursdóttur og Elsu Sveinsdóttur.

Meðvirkni - stuðningshópur

25.02.2020-31.03.2020

Fyrir hverja: Alla þátttakendur Janusar endurhæfingar sem hafa setið meðvirkni námskeið í lotu 1.

Þriðjudaginn 25. feb. hefst námskeiðið Meðvirkni-stuðningshópur sem verður í 6 skipti kl. 9:00-10:00. Markmið stuðningshópsins er að öðlast enn frekari meðvitund og þekkingu á einkennum meðvirkni með hlustun og umræðum um meðvirkni í hóp. Markmiðið er að að þátttakandinn geti dregið markvisst úr meðvirkri hegðun með framkvæmd verkefna á milli tíma.

Þriðjudaga kl. 9:00-10:00 (3. hæð, Holtasóley)

Stuðst verður við bókina Meðvirkni, orsakir, einkenni og úrræði eftir höfundinn Piu Mellody. Umræður er mikilvægur hluti námskeiðssins.

Í stuðningshópnum verða umræður og heimaverkefni gefin útfrá eftirfarandi viðfangsefnum:

Upplifa heilbrigða sjálfsvirðingu.
Setja heilbrigð mörk.
Viðurkenna og tjá eigin raunveruleika.
Sinna þörfum sínum og löngunum á fullorðinsaldri.
Upplifa og tjá veruleika sinn af hófsemi.

Námskeiðið verður lokaður hópur og því ekki hægt að skrá sig í það á miðju tímabili. Námskeiðið er ætlað þeim sem hafa setið meðvirkni námskeið í lotu 1. Skráning fer fram í samráði við tengilið og inn á Janus Manager. Leiðbeinendur verða Sigríður Anna Einarsdóttir félagsráðgjafi og Berglind Ásgeirsdóttir, iðjuþjálfi.

Hreyfing sem lífsstíll

25.02.2020-02.04.2020

Fyrir hverja: Alla þátttakendur Janusar endurhæfingar

Þriðjudaginn 25. feb. hefst námskeiðið Hreyfing sem lífsstíll. Boðið er upp á hópþjálfun undir handleiðslu sjúkraþjálfara. Unnið verður með þol, styrk og líkamsstöðu eftir getu hvers og eins.

Grunnhópur: Vinnum eingöngu með eigin líkamsþyngd og léttar teygjur. Hver og einn gerir æfingarnar á sínum hraða með það að markmiði að auka líkamsvitun og bæta þol og styrk. Ný staðsetning: Nýbýlavegur 6, 200 Kóp. Í sama húsi og Trendport og gengið inn um sama inngang að framanverðu frá Nýbýlavegi og upp á 2. hæð. Líka hægt að ganga inn að aftan frá Dalbrekku. Hentugt að taka strætóa sem stoppa í Hamraborg eða á Nýbýlavegi. T.d. númer 1, 4, 36 eða 28.

Grunnhópur: þriðju- og fimmtudaga kl. 10:00-11:00 (Nýbýlavegur 6, Kópavogi)
Framhaldshópur: þriðju- og fimmtudaga kl. 10:00-11:00 (World Class, Laugum)

Fræðsla með sálfræðilegu ívafi

25.02.2020-31.03.2020

Fyrir hverja: Alla þátttakendur Janusar endurhæfingar.

Þriðjudaginn 25. feb. hefst námskeiðið Fræðsla með sálfræðilegu ívafi, sem mun vera haldið í Janusi endurhæfingu. Markmið fræðslunnar er að hjálpa þátttakendum að kynnast mikilvægum málefnum. Einnig að undirbúa þá fyrir sálfræðimeðferð, veita þeim innsæi, tæki og tól sem hugsanlega minnkar þörf á sálfræðimeðferð.

Þriðjudaga kl. 11:00-12:00 (3. hæð, Holtasóley)

Í hverjum tíma verður fjallað um eitt efni, þar verður umfjöllun um rannsóknir, tekin dæmi sem eiga við þátttakendur og þeir fengnir til að ræða um sitt eigið líf í samhengi. Einnig verður hvatt til þess að setja sér eitt markmið tengt fræðslunni.

Eftirfarandi má sjá grófa dagskrá;

Fræðsla um svefnvenjur.
Fræðsla um skjáfíkn.
Fræðsla um kvíða.
Fræðsla um áhrif útiveru og náttúru.
Fræðsla um þunglyndi.
Fræðsla um gildi

Námskeiðið er opinn hópur og geta þátttakendur skráð sig hvenær sem er á tímabilinu. Skráning fer fram í samráði við tengilið og inn á Janus Manager. Fræðslan er ætluð þeim sem ekki hafa sótt námskeiðið áður. Umsjónarmenn námskeiðs eru Gunnar Örn Ingólfsson og Axel Bragi Andrésson, sálfræðingar.

Verkefnavinna Iðjuþjálfa

25.02.2020-31.03.2020

Fyrir hverja: Alla þátttakendur Janusar endurhæfingar

Þriðjudaginn 25. feb. hefst námskeiðið Verkefnavinna Iðjuþjálfa. Markmið námskeiðsins er að styðja þátttakendur fyrstu skrefin í því breytingarferli sem endurhæfingin felur í sér. Þátttakendur eru hvattir til sjálfsskoðunar er varðar styrkleika, rútínu, virkni og jafnvægi í daglegu lífi. Í námskeiðinu fá þátttakendur aðstoð við að fylla út og endurskoða t.d. virkniskrá, iðjuhjólið, fylla út hlutverkalista, gildislista svo eitthvað sé nefnt. Þátttakendur fá einnig aðstoð við að setja sér markmið og endurskoða þau.

Þriðjudaga kl. 13:00-14:00 (4. hæð)

Námskeiðið er opinn hópur og geta þátttakendur skráð sig hvenær sem er á tímabilinu. Skráning fer fram í samvinnu við tengiliði og inn á Janus Manager. Leiðbeinendur verða Lena Rut Olsen, Sólveig Gísladóttir og Sigrún Ólafsdóttir.

Námsaðstoð - opin vinnustofa

25.02.2020-31.03.2020

Fyrir hverja: Alla þátttakendur Janusar endurhæfingar.

Þriðjudaginn 25. feb. hefst námskeiðið Námsaðstoð - opin vinnustofa í Janusi endurhæfingu. Markmið námskeiðsins er að þeir þátttakendur sem eru í námi fái námsaðstoð og auka þar með líkurnar á því að ná árangri í námi. Sérstök áhersla verður á stærðfræði og raungreinar.

Þriðjudaga kl. 13:00-14:00 (3. hæð, tölvurými)

Námskeiðið er opinn hópur og geta þátttakendur skráð sig hvenær sem er á tímabilinu. Skráning fer fram í samráði við tengilið og inn á Janus Manager. Námskeiðið verður í umsjón Benjamíns Júlíussonar, atvinnuráðgjafa og stærðfræðakennara.

Macrame grunn- og framhalds námskeið

26.02.2020-01.04.2020

Fyrir hverja: Alla þátttakendur Janusar endurhæfingar

Miðvikudaginn 26. feb. hefst námskeiðið Macrame grunn- og framhalds námskeið. Markmið námskeiðsins er fyrst og fremst að leyfa sköpunargleðinni að njóta sín, ásamt því að öðlast meiri færni í handverki og efla sjálfstraust í vöruhönnun. Afrakstur vinnunnar verður seldur. Allur ágóðinn rennur í styrktarsjóð Janusar endurhæfingar sem styrkir einstaklinga í endurhæfingunni sem eru í tímabundinni fjáhagslegri neyð.

Miðvikudaga kl. 9:00-11:30 (2. hæð)

Macrame er mjög skapandi og gefandi verkefni. Tilvalið fyrir þá sem bæði vilja prófa eitthvað nýtt sem og bæta við sig meiri þekkingu í handverki. Hentar líka þeim sem hafa enga reynslu. Í 5. og 6. viku er í boði að koma með sitt egið efni og vinna með það, td. hringi, garn og perlur

Jóga grunnur

26.02.2020-01.04.2020

Fyrir hverja: Alla þátttakendur Janusar endurhæfingar.

Miðvikudaginn 26. feb. hefst námskeiðið Jóga grunnur. Námskeiðið byggir á grunnþáttum Hatha jóga og Jóga Nidra djúpslökunar. Í námskeiðinu verða gerðar jógateygjur og léttar styrkjandi æfingar auk öndunaræfinga, sem stuðla að ró og núvitund. Námskeiðið er fyrir þátttakendur Janusar endurhæfingar og hentar sérlega vel fyrir byrjendur eða þá sem vilja byrja á grunninum í jóga og kynnast Jóga Nidra. Markmið námskeiðsins er að kynna grunnæfingar í Hatha Jóga og Jóga Nidra djúpslökun. Þetta tvennt getur gefið manni ró og betri tengingu við líkama, huga og sál.

Miðvikudaga kl. 11:00-12:00 (4. hæð)

Í fyrri hluta tímans eru gerðar liðkandi æfingar fyrir stærstu liði líkamans ásamt styrkjandi æfingum auk öndunaræfinga. Í seinni hluta tímans er Jóga Nidra djúpslökun þar sem þú ferð frá því að hugsa og gera yfir í það að finna og vera.

Námskeiðið er opinn hópur og geta þátttakendur skráð sig hvenær sem er á tímabilinu. Skráning fer fram í samráði við tengilið og inn á Janus Manager. Umsjónarmenn verða Sólveig Gísladóttir og Berglind Ásgeirsdóttir, iðjuþjálfar og jógakennarar.

Hlaup og ganga

26.02.2020-01.04.2020

Miðvikudaginn 26. feb. hefst námskeiðið Hlaup og ganga í Janusi endurhæfingu. Námskeiðið verður einu sinni í viku, á miðvikudögum kl. 11:30-12:00. Markmið námskeiðsins er að vekja athygli á því hversu góð áhrif það hefur á andlega og líkamlega heilsu að vera úti og hreyfa sig og hvetja þátttakendur Janusar endurhæfingar til að gera reglulega hreyfingu að hluta af sínum lífsstíl.

Miðvikudaga kl. 11:30-12:00 (3. hæð)

Tómstundir og áhugamál

26.02.2020-01.04.2020

Fyrir hverja: Alla þátttakendur Janusar endurhæfingar á Heilsubraut

Miðvikudaginn 26. feb. hefst námskeiðið Tómstundir og áhugamál sem verður haldið í Janusi endurhæfingu. Markmið námskeiðsins er að vekja áhuga og auka virkni auk þess að skemmta sér. Einnig að æfa sig að vera í kringum annað fólk og þjálfa þar með félagsfærni.

Miðvikudaga kl. 13:00-15:00 (4. hæð)

Skráning fer fram í samvinnu við tengiliði og inn á Janus Manager. Leiðbeinendur á námskeiðinu eru Sigríður Pétursdóttir, Salóme Halldórsdóttir og Elsa Sveinsdóttir.

DAM - Samskiptafærniþjálfun

26.02.2020-01.04.2020

Fyrir hverja: Alla þátttakendur Janusar endurhæfingar

Miðvikudaginn 26. feb. hefst hópmeðferðin DAM-samskiptafærniþjálfun. Námskeiðið er gagnlegt fyrir flest alla en gagnast vel fyrir þá sem hafa gengið í gegnum erfiða lífsreynslu og áföll. Markmið námskeiðsins er að þátttakendur öðlist betri samskiptafærni með því að taka eftir samskiptavanda og nota DAM færniþætti til breytinga. Lögð er áhersla á að þjálfa og auka færni í samskiptum.Til að ná fram markmiðum sínum þurfa þátttakendur að þekkja og tileinka sér færniþætti og að þjálfast í sjálfstyrkingu og ákveðni. Búist er við að þátttakendur læri hvor af öðrum með góðum umræðum og æfingum sem gerðar eru í tíma og með gerð heimaverkefna.

Miðvikudaga kl. 13:00-15:00 (3. hæð, Holtasóley)

Samskiptafærniþjálfun er byggð á Díalekteskri Atferlismeðferð, en samskipti er einn fjögurra hæfniþátta í DAM-meðferð og snýst um að auðvelda samskipti við annað fólk og byggja upp góð samskipti (interpersonal effectiveness). Farið verður í aðferðir t.d við að ná því fram sem við þörfnumst, hvernig við neitum eða setjum mörk og hvernig við leysum samskiptavanda eða öðlumst betri samskipti. Kenndir verða fjórir DAM samskiptafærniþættir.

Meðferðin snýst um að læra að tileinka sér ákveðna færni (skill) til að beita á samskiptavandamál eða til að öðlast betri samskiptafærni. Námskeiðinu er ætlað að styrkja okkur í að leysa samskiptavanda og eiga góð samskipti við aðra. Í hverjum tíma verður farið í einn af færniþáttum hann úskýrður, kenndur og æfður. Farið verður í helstu hindranir í samskiptum og hvernig nota má DAM færni til að leysa slík vandamál.

Námskeiðið verður lokaður hópur og verður ekki hægt að skrá sig eftir að námskeið hefst. Skráning fer fram í samráði við tengilið og inn á Janus Manager. Leiðbeinendur verða Axel Bragi, Jón Hjalti, Alma, Anna Þóra, Elísabet, Guðlaug, Elín og Linda.

Listasmiðja

26.02.2020-01.04.2020

Fyrir hverja: Alla þátttakendur Janusar endurhæfingar

Miðvikudaginn 26. feb. hefst Listasmiðja í Janusi endurhæfingu. Markmiðið er bjóða aðstöðu til að þátttakendur geti komið með sín verkfæri og verkefni og unnið að þeim í Janusi endurhæfingu. Einnig að skapa tækifæri til að vinna í samfélagi við aðra og virkja áhugahvöt hvers og eins.

Miðvikudaga kl. 13:00-15:50 (2. hæð)

Námskeiðið er opinn hópur og geta þátttakendur skráð sig hvenær sem er á tímabilinu í samráði við umsjónarmenn námskeiðs. Skráning fer fram í samvinnu við tengiliði og inn á Janus Manager. Leiðbeinendur á námskeiðinu eru Kristín Stefánsdóttir, Þórdís Halla Sigmarsdóttir og Sigríður Ósk Hannesdóttir.

Hatha jóga

27.02.2020-02.04.2020

Fyrir hverja: Alla þátttakendur Janusar endurhæfingar.

Fimmtudaginn 27. feb. hefst námskeiðið Hatha Jóga. Námskeiðið byggir á Hatha jóga, gerðar verða jógateygjur og léttar styrkjandi æfingar auk öndunaræfinga, sem stuðla að ró og núvitund. Námskeiðið er fyrir þátttakendur Janusar endurhæfingar og hentar bæði byrjendum og lengra komnum.

Fimmtudaga kl. 09:00-10:00 (4. hæð)

DAM-færniþjálfun og tilfinningastjórn

27.02.2020-02.04.2020

Fyrir hverja: Alla þátttakendur Janusar endurhæfingar

Fimmtudaginn 27. feb. hefst DAM-færniþjálfun og tilfinningastjórn. Námskeiðið er hugsað fyrir þá sem hafa átt erfitt með að takast á við sársaukafullar tilfinningar á hjálplegan hátt. Færniþjálfunin er hugsuð fyrir þá sem upplifa mjög sterkar og óstöðugar tilfinningar, einstaklinga sem eru með mikla tilfinningalega viðkvæmni og sveiflast auðveldlega í skapi. Færniþjálfunin felur í sér fræðslu um tilfinningar, hvað þær heita, hvert hlutverk þeirra er og hvernig þær hafa áhrif á líkama okkar og hegðun. Kenndar verða aðferðir til þess að auka þol við erfiðum tilfinningum. Markmið námskeiðsins er að hjálpa þátttakendum að skilja betur þær tilfinningar sem þeir upplifa, draga úr tilfinningalegri þjáningu og tempra tilfinninga viðkvæmni.

Fimmtudaga kl. 09:00-12:00 (3. hæð, Holtasóley)

Tilfinningastjórn er einn fjögurra færniþátta úr Díalektískri atferlismeðferð (DAM). Færniþjálfunin felur í sér fræðslu um tilfinningar, hvað þær heita, hvert hlutverk þeirra er og hvernig þær hafa áhrif á líkama okkar og hegðun. Kenndar verða aðferðir til þess að auka þola við í óþægilegum tilfinningum. Óski þátttakandi eftir því að taka þátt í færniþjálfuninni skuldbindur hann sig til þess að vinna heimavinnu. Færniþjálfunin byggist á virkri þátttöku meðlima hópsins.

Námskeiðið verður lokaður hópur og verður ekki hægt að skrá sig eftir að námskeið hefst. Skráning fer fram í samráði við tengilið og inn á Janus Manager. Leiðbeinendur verða Alma, Elísabet og Linda.

D&D spilahópur

27.02.2020-02.04.2020

Fyrir hverja: Alla þátttakendur Janusar endurhæfingar

Fimmtudaginn 27. feb. hefst námskeiðið D&D spilahópur kl. 12:30-15:30 á 3. hæð í Janusi endurhæfingu. Spilað verður hlutverkaspilið D&D þar sem brugðið er í gervi persóna og lagt af stað í ævintýri. Námskeiðið hentar byrjendum en vanir spilarar eru einnig velkomnir.

Fimmtudaga kl. 12:30-15:30 (3. hæð, Glersalir)

Markmið námskeiðsins er að læra um hlutverkaspilið Dungeons og Dragons og eiga saman skemmtilega stund. Einnig er þetta gott tækifæri til að stíga út fyrir þægindarammann, setja sig í spor annarra, æfa sig í samskiptum og öðlast færni í að vinna saman í hóp.

Námskeiðið er opinn hópur og geta þátttakendur skráð sig hvenær sem er á tímabilinu. Skráning fer fram í samráði við tengilið og inn á Janus Manager. Námskeiðið telur til mætinga og ef þátttakandi mætir ekki í tvö skipti án viðunandi útskýringar verður hann skráður úr námskeiðinu í samráði við tengilið viðkomandi. Umsjónarmenn eru Hörður Þórhallson og Alma Rún Vignisdóttir.

Grunnur að árangri

27.02.2020-02.04.2020

Fyrir hverja: Alla þátttakendur Janusar endurhæfingar

Fimmtudaginn 27. feb. hefst námskeiðið Grunnur að árangri. Markmið námskeiðsins er að styðja þátttakendur við fyrstu skrefin í því breytingarferli sem endurhæfingin felur í sér. Þátttakendur eru hvattir til sjálfsskoðunar er varðar styrkleika, rútínu, virkni og jafnvægi í daglegu lífi. Markmiðssetning og önnur verkefni verða kynnt fyrir þátttakendum.

Fimmtudaga kl. 13:00-14:00 (3. hæð, Holtasóley)

Á námskeiðinu verður rætt almennt um endurhæfinguna og það breytingarferli sem hún felur í sér. Fræðslan miðast við að aðstoða þátttakendur í að takast á við þær breytingar sem endurhæfingin felur í sér. Boðið verður uppá umræður og einnig verkefnavinnu sem miðar að því að þátttkendur verði betur í stakk búnir til að takast á við endurhæfinguna.

Peningarnir mínir

27.02.2020-12.03.2020

Fyrir hverja: Alla þátttakendur Janusar endurhæfingar.

Fimmtudaginn 27. feb. hefst námskeiðið Peningarnir mínir. Námskeiðið verður haldið þrjá mánudaga í röð frá kl. 13:00 til 15:30 á 4. hæð og er ætlað öllum þátttakendum Janusar endurhæfingar. Námskeiðið mun innihalda fræðslu, verkefni, umræður og gestafyrirlesara. Markmið námskeiðsins er að efla þátttakendur Janusar endurhæfingar í að takast á við eigin fjármál.

Fimmtudaga kl. 13:00-15:30 (4. hæð)

Á námskeiðinu verður farið í eftirfarandi viðfangsefni;

Fjármálalæsi.
Að takast á við eigin fjármál.
Sjálfshjálp í fjármálum.
Áhrif fjármála á líðan.
Sjálfsstjórn í fjármálum.
Úrræði vegna fjármálavanda.
Að setja sér markmið í fjármálum.

Námskeiðið er lokaður hópur og því ekki hægt að skrá sig í það á miðju tímabili. Skráning fer fram í samráði við tengilið og inn á Janus Manager. Umsjónarmenn námskeiðsins eru Elsa Sveinsdóttir og Sigríður Anna Einarsdóttir, félagsráðgjafar.

HAM-hópmeðferð við kvíða og þunglyndi

10.03.2020-26.05.2020

Fyrir hverja: Alla þátttakendur Janusar endurhæfingar

Þriðjudaginn 10. mars hefst HAM-hópmeðferð við kvíða og þunglyndi sem er 12 skipta námskeið haldið á þriðjudögum eftir hádegi. Í námskeiðinu kynnast þátttakendur kjarnahugmyndum um uppbyggingu HAM meðferðar og aðferðum í þeirri meðferð sem nýjustu rannsóknir styðja að virki við þunglyndi og kvíða. Í námskeiðinu kortleggja þáttakendur vandamál sín og setja sér markmið í samvinnu við námskeiðshaldara, unnið verður með virkni og neikvæðar hugsanir. Markmið námskeiðsins er að auka færni til að kljást við meðaldjúpt og vægt þunglyndi og kvíða. Bæta almenna líðan, til að fyrirbyggja geðrænan vanda og viðhalda bata og kenna aðferðir sem stuðla að auknu geðheilbrigði.

Þriðjudaga kl. 12:30-15:30 (3. hæð, Holtasóley og Glersalir)

Í námskeiðinu er krafa um virka þáttöku í tíma og að einstaklingar sinni krefjandi heimavinnu og vinni einstaklings og hópverkefni í tímum. Í námskeiðinu verða unnin HAM verkefni á ýmsa vegu og í samvinnu við aðrar fagstéttir innan Janusar endurhæfingar. Námskeiðið er ætlað að vera hagnýt meðferð og krefjandi en einnig er lagt upp með að hún sé á köflum skemmtileg, áhugaverð og lífleg.

Töframáttur tónlistar

30.03.2020

Fyrir hverja: Alla þátttakendur Janusar endurhæfingar

Mánudaginn 30. mars hefst Töframáttur tónlistar sem verður í 1 skipti. Töframáttur tónlistar mun innihalda kynningu, fræðslu, umræður og tónleika. Kynnt verður tónleikaröðin Töframáttur tónlistar sagt frá uppphafi og tilgangi. Listamenn verða kynntir – Ólöf Sigursveinsdóttir séllóleikari og Einar Bjartur Egilsson píanóleikari.

Mánudaginn 30. mars kl. 12:15-15:30 (3. hæð, Glersalir og Kjarvalsstaðir)

Fjallað verður um áhrif tónlistar á manneskjuna. Markmiðið er að bjóða þátttakendum Janusar endurhæfingar að njóta tónlistar frábærra listamanna. Fræðast um áhrif tónlistar og upplifa það á eigin skinni á lifandi tónleikum. Gera sig meðvitaðri um hvernig hægt er að nýta sér tónlistina í eigin þágu.

Skráning fer fram í samráði við tengilið og inn á Janus Manager. Námskeiðið verður í umsjón Sigríðar Önnu Einarsdóttur.

Sjálfsefling - örnámskeið

30.03.2020

Fyrir hverja: Alla þátttakendur Janusar endurhæfingar

Mánudaginn 30. mars verður örnámskeiðið Sjálfsefling í Janusi endurhæfingu kl. 09:00-11:30 sem verður haldið í 1 skipti. Námskeiðið er ætlað þeim sem vilja efla hjá sér sjálfstraustið, þykja vænt um sjálfan sig og vera öruggari. Markmið námskeiðsins er að þátttakandinn finni fyrir auknu sjálfstrausti, sjálfsöryggi, sjálfsvirðingu og auknum kærleika til sjálf síns.

Mánudaginn 30. mars kl. 9:00-11:30 (3. hæð, Holtasóley)

Námskeiðið byggist á fræðslu og umræðum. Í námskeiðinu verður m.a. farið í eftirfarandi þætti:

Heilbrigt sjálfstraust.
Sjálfsvirðing.
Persónulegur réttur minn.
Hamingja.
Styrkleikar.
Kærleikur.
Sjálfs-samkennd

Skráning fer fram í samráði við tengilið og inn á Janus Manager. Umsjónarmaður er Sigríður Anna Einarsdóttir.

Námskeið og viðburðir í Janusi endurhæfingu, jan. - apríl 2020

Efnisleit

Dagskrá og viðburðir