HAM við félagsfælni


Félagsfælni

Hópmeðferð við félagsfælni fyrir þátttakendur hjá Janusi endurhæfingu er haldin reglulega í húsnæði Janusar að Skúlagötu 19.

Um er að ræða 10 vikur, þar sem unnið er markvisst að því að draga úr kvíða og óöryggi í félagslegum aðstæðum með aðferðum Hugrænnar Atferlismeðferðar (HAM). Markmiðið er að þátttakendur læri leiðir til að draga úr kvíða innan um aðra, kenndar eru aðferðir í samskiptum og veitt er fræðsla og aðstoð til að auka sjálfstraustið.

Hópmeðferðin fer fram í 10 manna hóp sem hittist einu sinni í viku í húsnæði Janusar,  Skúlagötu 19 og er undir stjórn sálfræðinga Janusar. Hópmeðferðin er undirbúin í samvinnu við sálfræðinga Kvíðameðferðarstöðvarinnar, sem hafa áralanga reynslu í hópmeðferð við félagsfælni sem borið hefur góðan árangur.

Kostir við hópmeðferð m.a. er að þátttakandi kynnist öðrum með sama vanda og upplifir sig þar af leiðandi ekki eins einangraðan með sinn vanda, hann getur lært af reynslu annarra og aðrir lært af honum ásamt því að þátttakendur fá stuðning og hvatningu hver frá öðrum.

L1140430

 

Prenta Netfang