Lausar stöður


Laus staða sálfræðings

Sálfræðiþjónusta Janusar endurhæfingar leitar að metnaðarfullum og sjálfstæðum sálfræðingi í 50-100% stöðu. Staðan er tímabundin í eitt ár. Sálfræðingurinn mun vinna í þverfaglegu teymi sem samanstendur af geðlækni, iðjuþjálfa, sjúkraþjálfara og félagsráðgjafa.

Helstu verkefni

  • Greining geðraskana.
  • Einstaklings- og hópmeðferðarvinna, þá sérstaklega hugræn atferlismeðferð.
  • Þátttaka í þverfaglegri teymisvinnu.
  • Fræðsla til þátttakenda.

Menntunar og hæfnikröfur

  • Réttindi til að starfa sem sálfræðingur á Íslandi.
  • Þekking og reynsla af sálfræðilegri greiningu og sálmeinafræði.
  • Þekking, reynsla og færni í hugrænni atferlismeðferð.
  • Frumkvæði í starfi, sjálfstæð vinnubrögð og skipulagshæfileikar.
  • Reynsla og þekking á þverfaglegri teymisvinnu.
  • Áhugi og jákvætt viðmót.
  • Góð samskiptafærni og sveigjanleiki.
  • Æskileg væri þekking og færni í áhugahvetjandi samtali (motivational interviewing), reynsla af vinnu með persónuleikaraskanir, þekking á DAM og/eða þekking og reynsla af vinnu með áföll.

Hjá Janusi endurhæfingu fer fram starfs- og atvinnuendurhæfing. Markmið starfseminnar er að aðstoða fólk við að komast á vinnumarkaðinn og fyrirbyggja varanlega örorku. Mikið þróunarstarf og uppbygging á sér stað innan Janusar endurhæfingar sem býður upp á spennandi möguleika fyrir starfsmenn, sé áhugi fyrir hendi. Rík áhersla er lögð á að virkja styrkleika hvers og eins starfsmanns þannig að allir njóti sín og líði sem best í starfi enda teljum við það forsendu þess árangurs sem við stefnum að. Fyrirtækið hefur á að skipa yfir 30 samheldnum starfsmönnum auk fjölda verktaka.

Umsóknarfrestur er til 12. febrúar næstkomandi. Umsóknum skal skila á netfangið: This e-mail address is being protected from spambots. You need JavaScript enabled to view it.. Öllum umsóknum verður svarað.

Velkomið er einnig að hafa samband við Liv Önnu Gunnell, teymisstjóra sálfræðiþjónustu í síma 514-9175 eða gegnum netfangið: This e-mail address is being protected from spambots. You need JavaScript enabled to view it.

Prenta Netfang