Download as iCal file
Núvitund
Thursday, 19. April 2018, 11:40 - 12:10
Hits : 32
Mánudaginn 16. apríl hefst námskeiðið Núvitund. Námskeiðið nær yfir átta vikna tímabil. Á mánudögum frá kl. 9:00 - 12:00 verður fræðsla um núvitund og æfingar vikunnar kynntar, tíminn endar á núvitundaræfingum. Þar að auki verða núvitundaræfingar á miðvikudögum og fimmtudögum frá kl. 11:40 til kl. 12:10. Námskeiðið fer fram á Skúlagötu 19, 4.hæð, nema á fimmtudögum verða æfingar á 3. hæð, í salnum Holtasóley sem er inn af Vinnubraut. 
 
Markmið námskeiðsins er að þjálfa færni í núvitund. Læra leiðir til þess að ná betri stjórn á hugsunum og fá innsýn í líðan sína. 
 
Á námskeiðinu verður farið yfir grunntækni núvitundar og hvernig hægt er að flétta núvitund inn í daglegt líf.
 
Farið verður yfir:
 
Vika 1: Sjálfstýring – hvaða áhrif hefur hún á líf okkar. Öndunar og líkamshugleiðsla.
Vika 2: Læra að greina á milli skynjunar og hugsunar. Líkamsskönnunar hugleiðsla.
Vika 3: Takmörk okkar og viðbrögð við þeim. Samþætting hugar og líkama. Núvitundar hreyfing.
Vika 4: Læra að leyfa hugsunum að koma og fara. Sjá erfiðleika frá nýju sjónarhorni. Hljóð og hugsanir.
Vika 5: Takast á við erfiðleika með opnum huga og koma þannig í veg fyrir að þeir verði umfangsmeiri. Könnun erfiðleika.
Vika 6: Samkennd gagnvart okkur sjálfum og umhverfinu. Vinsemdar hugleiðsla.
Vika 7: Vani og lífsmynstur. Gera hluti sem veita þér gleði. Takast á við kvíða, streitu og áhyggjur með góðvild.
Vika 8: Núvitund - hluti af þínu daglega lífi.
Leiðbeinendur eru Elín Steinsdóttir, sálfræðingur, Gunnhildur Kristjánsdóttir, iðjuþjálfi og Júlía Margrét Rúnarsdóttir, félagsráðgjafi.
 
Skráning fer fram í samráði við tengilið og inn á Janus Manager. 
 
 
 
 
 
 
 
Byrjar: 16/04/2018
Lýkur:11/06/2018
Báðir dagar meðtaldir
Location Holtasóley 3. hæð