Vísir birti í dag pistil frá iðjuþjálfum Janusar endurhæfingar, Önnu Þóru Þórhallsdóttur og Lenu Rut Olsen.
Í pistlinum hvetja þær nýja ríkisstjórn til að standa við gefin loforð nýs stjórnarsáttmála um að fjárfesta í fólki. Til þess þurfi að horfa heildrænt á endurhæfingarferlið og líta á einstaklinginn sem verðmæti fyrir samfélagið eins og gert er innan Ungmennaverkefnis. Þær benda á að skynsamlegt sé að nýta sér reynsluna sem fengist hefur og fæst af því verkefni til frekari heildrænnar uppbyggingar og fjárfestingar í fólki.
,,Það er ljóst að flækustig kerfanna bitnar á þeim sem síst skyldi. Fjarlæga verður veggi, múra og þröskulda, samþætta kerfin þannig þau virki og þjóni þeim tilgangi sem ætlast er til. Skilyrði fyrir þjónustu eiga ekki að vera bundinn við greiningar eins og er í dag heldur færni hvers og eins. Í dag er einstaklingum ýtt fram og tilbaka á milli kerfa, stundum einfaldlega bara af því að “computer says NO”.”
Pistilinn má lesa í heild sinni á Vísir.is.
