Fyrir hverja: Alla þátttakendur Janusar endurhæfingar
Stefnum á að framleiða vörur sem tilheyra netsölu, hvort sem það eru skilti sem prýða garðinn, sumarbústaðinn eða heimilið. Aðal markmið námskeiðsins er að gefa sköpunargleðinni lausan tauminn í skiltagerðinni og einnig að skapa tækifæri til að vinna í samfélagi við aðra og virkja áhugahvöt hvers og eins.
- Mánudaga kl. 9.00 – 11.30
Námskeiðinu verður skipt upp í 2 lotur, fyrri lota verða búnir til draumfangarar, seinni lotan verður kennd undirstaða í macrame hnýtingum. Gerðar verða lyklakippur, blómaupphengi og ýmislegt fleira.
Listmunir sem skapaðir verða á námskeiðinu verða seldir í netsölu Styrktarsjóðs Janusar endurhæfingar. Allur ágóðinn af sölunni rennur beint í sjóðinn og nýtist þannig þeim þátttakendum sem eru í fjárhagslegri neyð, sjá nánar á heimasíðu Janusar endurhæfingar.
Þátttakendur mega velja og eiga einn listmun á önn af öllum þeim listmunum sem þeir framleiða í iðjunni, á meðan að þeir eru í endurhæfingunni og taka þátt í listmunasköpun innan Janusar endurhæfingar. Allir aðrir listmunirnir þátttakenda „ganga til góðs“, þ.e.a.s. verða seldir í netsölu Styrktarsjóðs Janusar endurhæfingar.
Námskeiðið verður opinn hópur og verður hægt að skrá sig eftir að námskeið hefst. Skráning fer fram í samráði við tengilið og inn á Janus Manager. Leiðbeinendur verða Þórhildur Kristjánsdóttir og Linda Ólafsdóttir.
